Killers of the Flower Moon

Sparsh Hardik 07 December 2023 10.0

અપેક્ષાઓ અને હાઇપ પર ખરું ઊતરતું, ખળભળાવી દેનારું, ઘણા સ્થળે ગંભીર સંગીતના લયથી વધુ ગંભીર બનતું, બોધપાઠ પણ આપી જનારું ઉત્તમ મૂવિ! નેટિવ અમેરિકન લોકો સાથે કાળક્રમે જે થયું એના એક અધ્યાય જેવી આ વાર્તા પ્રભાવક રીતે ડેવિડ ગ્રાનના પુસ્તક પરથી રૂપાંતરણ પામી છે. વરૂઓ વચ્ચે ફસાઈ ગયેલી હરણી જેવી ઓસેજ જાતિની સ્ત્રીનું પાત્ર ભજવનાર લિલી ગ્લેડ્સ્ટનનો ભોળો ચહેરો જોઈને એના પ્રત્યે અનુકંપા આવ્યા કરે છે. લુચ્ચા પાત્ર પર નફરત જાગે એ રીતે એને ભજવનાર રોબર્ટ ડિ નીરો અને એના નિયંત્રણમાં દબાઈ રહેતા અર્નેસ્ટનું પાત્ર ભજવનાર લિઓનાર્ડો ડિકેપ્રિઓ તો મંજાયેલા અભિનેતાઓ છે. સિનેમાના દાદા જ કહેવા જોઈએ એવા માર્ટિન સ્કોર્સેસી ઑલ્ડ સ્કુલ સ્ટાઇલની ફિલ્મો બનાવનાર છેલ્લા ગણતરીના કદાવર મેકર્સમાંના એક છે. એમની આ પહેલાંની ‘ધી આઇરિશ મેન’ જરાક માંદી જણાઈ હતી, પણ એ પહેલાંની ૨૦૧૬ની ‘સાઇલન્સ’ ધીમું અને શાંત રીતે વહેતું અદ્ભુત મૂવિ હતું, જે ઓછું ચર્ચાયેલું. ‘કિલર્સ ઑફ ફ્લાવર મૂન’માં ફરી માર્ટિન સ્કોર્સેસીની એ ઊર્જા, એમના જાદુની અનુભૂતિ થાય છે.

અપેક્ષાઓ અને હાઇપ પર ખરું ઊતરતું, ખળભળાવી દેનારું, ઘણા સ્થળે ગંભીર સંગીતના લયથી વધુ ગંભીર બનતું, બોધપાઠ પણ આપી જનારું ઉત્તમ મૂવિ! નેટિવ અમેરિકન લોકો સાથે કાળક્રમે જે થયું એના એક અધ્યાય જેવી આ વાર્તા પ્રભાવક રીતે ડેવિડ ગ્રાનના...Read more