GARAVA GIRNARNI GODMA

Sagar Mardiya 01 May 2023 10.0

નવલકથાનું શીર્ષક એટલે કે ગરવો ગીરનાર, જે આદિ-અનાદિકાળથી કંઇક કેટલીય વાતને પોતાની અંદર ધરબી અડીખમ ઉભેલો છે. જેમ તેમાં ઘણા રહસ્યો હજુ અકબંધ છે, તેમ રહસ્ય અને રોમાંચથી ભરપુર નોવેલ એટલે “ગરવા ગિરનારની ગોદમાં.” પ્રથમ તો આ શીર્ષક વાંચીને જ ખબર પડી જાય કે વાર્તા ગિરનારની આજુબાજુમાં જ વણાયેલી છે, પણ વાંચીએ ત્યારે ખબર પડે કે વાત આખી જુદી છે! વાર્તા નાયિકા છે ‘રાધા’ એક એવું પાત્ર કે જાણે જીવંત લાગે. શરૂઆતથી અંત સુધી મનોમસ્તિષ્કમાં એક જ નામ ગુંજ્યા રાખે “રાધિ.” વાર્તાની વાત કરવામાં આવે તો તેનો સીનોપ્સીસ કંઇક આવો છે. જુનાગઢમાં ગરવા ગિરનારની ગોદમાં જન્મેલી ,ઉછરેલી રાધાની મા રાધીના જન્મના થોડા સમયમાં જ અવસાન પામે છે. બાપ દેવાયત મા અને બાપ બન્નેની એકીસાથે ફરજ નિભાવે છે. રાધાની દાદીમાં રંભીમાં પણ વ્હાલી પૌત્રીમાં સંસ્કૃતિ અને સંસ્કારનું સિંચન કરે છે. રાધાને એક સ્વપ્ન ઘણાં સમયથી આવે છે. જે સ્વપ્ન તેની નિંદર હરામ કરી દે છે. તે સ્વપ્નનું રહસ્ય જાણવા ખુબ મથે છે,પણ મળતું નથી. રાધાના પિતા દેવાયત દર પૂનમે ગિરનારમાં મા અંબાના દર્શને જાય અને ત્યાં એક ગુફામાં રહેતા રામદાસ બાપુને મળવા પણ જાય. એકદિવસ દેવાયત રામદાસ બાપુ આગળ પોતાના મનની વાત જણાવે છે કે, ‘રાધાથી આજદિન સુધી છુપાવેલ વાત તેને જણાવી દઉં ,ક્યાં સુધી આ ભાર લઈ જીવીશ.’ રામદાસ બાપુ સમયની રાહ જોવાનું કહે છે. દેવાયત પણ યોગ્ય સમયની રાહ જોવા માંડે છે. સમય જતાં રાધાના લગ્ન માધવ સાથે થાય છે. માધવ એક સંશોધન માટે રાધાની મદદ લ્યે છે. જુનાગઢમાં ઉછરેલી રાધા માધવને વિવિધ વનસ્પતિ વિશે અને તેના ફાયદા વિશે માહિતગાર કરે છે. એક દિવસ માધવની માનસિકતા રાધા સામે છતિ થાય છે અને વાર્તામાં એક અણધાર્યો વળાંક આવે છે. રાધાનું સ્વપ્ન,દેવાયતના મનમાં ધરબાયેલી એક વાત અને માધવની માનસિકતા આ તમામ રહસ્યો નોવેલ વાંચવા મજબુર કરે તેવા છે. આ તમામ રહસ્યો વાચકને જકડી રાખે તેવું ગજબ આલેખન કરવામાં અને રહસ્યને બરોબર જાળવવામાં જાગૃતિબેન સફળ રહ્યા છે તેમ કહી શકાય. સરળ શબ્દોમાં સીધા પ્રવાહમાં ઘણીવાર આંચકા આપતા ટ્વીસ્ટ પણ આવે છે અને તે વાચકની અંદર આગળના રહસ્ય ઉકેલવા મનોમંથન પણ કરાવે છે,પરંતુ વાચકોની કલ્પનાને ધરાશાયી કરવામાં પણ બેન સફળ રહ્યા છે. અંતમાં માધવ પોતાના રીસર્ચ કરવાનું કારણ જણાવે છે ત્યારે રાધા મનમાં વિચારે છે કે, ‘ કેવો માણસ છે, જે દુનિયાને સાચા માર્ગે દોરવાને બદલે ખોટો માર્ગ અપનાવી જૂની માનસિકતામાં ફરી ધકેલવા માંગે છે.” સત્ય જાણ્યા પછી રાધાના જીવનમાં આવેલું પરિવર્તન અને એક અણધારી ધટના વાચકને હચમચાવી મુકે છે. વાર્તાના પાત્રોની વાત કરવામાં આવે તો પાત્રાલેખન જ એટલું જબરું છે કે વાચક શરૂઆતથી જ પાત્રો સાથે કનેક્ટ થઈ જાય છે. બાપ-દીકરીના પાત્ર સિવાયના અન્ય પાત્રની વાત કરવામાં આવે તો રાધાના દાદી રંભીમાંની અણધારી વિદાય વાચકની આંખમાં પણ ઝળઝળિયાં લાવી દે છે. શારદી અને લક્ષ્મીનું પાત્ર ઘડીભર માટે હોવા છતાં વાચકના મનમાં અમીટ છાપ છોડી જાય છે. રામદાસબાપુનું પાત્ર પણ એવું કે જયારે તેના ભૂતકાળ વિશે ખબર પડે ત્યારે વાચક આશ્ચર્યચકિત થઈ જાય. માધવ અને તેના પરિવારનું વર્ણન પણ જોરદાર. નોવેલમાં આવતા અન્ય પાત્રો પણ ખુબ જ સુંદર રીતે ઉપસી આવે તેવું આલેખન. હવે કોઈભી વસ્તું હોય તો તેમાં ભૂલ તો હોવાની જ. આ નોવેલમાં ભૂલની વાત કરવામાં આવે તો શોધવી જ અઘરી પડે, કારણકે બેને વાર્તામાં જે ચોકસાઈ રાખી છે તેને જોતા કોઈ ભૂલ મારી નજરે નથી પડતી. રહસ્યથી ભરપુર અને લાગણીથી તરબતર આ નોવેલ એકવાર વાંચવા માટે શરૂઆત કર્યા પછી મુકવાનું મન ના થાય તેવી છે. નોવેલમાં વાચકને ક્યાય રસભંગ નાં થાય અને કોઈ રહસ્ય લાંબુ ખેચવામાં આવ્યું હોય તેવું જરાપણ નાં લાગે તેવું અદ્ભુત આલેખન છે. શોપીઝેન દ્રારા તાજેતરમાં જ યોજાયેલ સ્પર્ધામાં વિજેતા બનેલ આ નોવેલ સસ્પેન્સ થ્રીલરના વાચકે એકવાર અચૂક વાંચવી જ જોઈએ.

નવલકથાનું શીર્ષક એટલે કે ગરવો ગીરનાર, જે આદિ-અનાદિકાળથી કંઇક કેટલીય વાતને પોતાની અંદર ધરબી અડીખમ ઉભેલો છે. જેમ તેમાં ઘણા રહસ્યો હજુ અકબંધ છે, તેમ રહસ્ય અને રોમાંચથી ભરપુર નોવેલ એટલે “ગરવા ગિરનારની ગોદમાં.” પ્રથમ તો આ શીર્ષક...Read more

Jyotindra Mehta 30 April 2023 9.0

જાગૃતિબેનના હસ્તે લખાયેલી આ નવલકથા ખરેખર અદભૂત છે. લાગણી નિતરતી આ નવલકથાનાં પાત્રો પોતાનાં પરિચિત હોય એવી લાગણી નવલકથાના અંતે થાય. દેવાયતનું પાત્ર મને હંમેશાં યાદ રહેશે. નાયિકાપ્રધાન નવલકથામાં ઘણીવાર એવું થતું હોય છે કે પુરુષપાત્ર કમજોર થઈ જતું હોય છે, પણ આ નવલકથામાં એવું થતું નથી. આ નવલકથામાં પુરુષ પાત્ર પણ એટલાં જ સબળ છે. ખાસ કરીને દેવાયત. એકલપંડે દીકરીને ઉછેરનાર પિતા તરીકે અમીટ છાપ છોડીને જાય છે. લેખિકાએ આ નવલકથામાં આપણા પુરુષપ્રધાન સમાજની વરવી બાજુ દેખાડી છે. પુત્રજન્મનો મોહ ઘણી જગ્યાએ ન જન્મેલી પુત્રીના મૃત્યુનું કારણ બને છે અને આ મુદ્દો હ્રદયને સ્પર્શી જય છે. રાધાના મુખે કહેવાયેલી ઘણી વાતો સમાજને સારી દિશા દેખાડી શકે એમ છે. કથાના નાયક માધવનું શું કહેવું! પાત્ર બહુ સરસ રીતે ઉપસીને આવે છે. પિતાની અવગણનાની તેની પ્રતીતિ દિલ સુધી પહોંચે છે. આ નવલકથા માટે જાગૃતિબેનને અભિનંદન.

જાગૃતિબેનના હસ્તે લખાયેલી આ નવલકથા ખરેખર અદભૂત છે. લાગણી નિતરતી આ નવલકથાનાં પાત્રો પોતાનાં પરિચિત હોય એવી લાગણી નવલકથાના અંતે થાય. દેવાયતનું પાત્ર મને હંમેશાં યાદ રહેશે. નાયિકાપ્રધાન નવલકથામાં ઘણીવાર એવું થતું હોય છે કે...Read more