Licorice Pizza

Sparsh Hardik 21 May 2022 8.0

લિકરિસ્ પિઝા: પૉલ થોમસ એન્ડરસન એટલે ‘ધેર વિલ બી બ્લડ’ અને ‘ફેન્ટમ થ્રેડ’થી વધારે જાણીતા થયેલા ડિરેક્ટર. એક તરફ આ બંને સિવાય ‘ધ માસ્ટર’ અને ‘મૅગ્નોલિઆ’ જેવી ફિલ્મો એમની એક અલગ છાપ છોડી જાય છે, તો બીજી તરફ ‘ઇન્હરન્ટ્ વાઇસ’ અને ‘બૂગિ નાઇટ’ જેવી ફિલ્મો એમનો જુદો જ મિજાજ પ્રગટ કરે છે. ગંભીર, ઊંડાણભર્યા અર્થો અને હળવી, મનોરંજક – એવી બે ધરી પર પૉલ થોમસ એન્ડરસનનું સિનેમા પ્રથમ નજરે ભ્રમણ કરતું દેખાય છે. ‘લિકરિસ્ પિઝા’ બીજી ધરી પરની ફિલ્મ છે. કૅલિફોર્નિયાના ૭૦’ના પૉર્નકલ્ચરની થોડીક ઝાંખી કરાવતી ‘બૂગિ નાઇટ’ હળવી હોવા છતાં એ ક્ષેત્રનાં વાસ્તવિક ચિત્રણની ગંભીરતા સાથે બનેલી હતી. ‘લિકરિસ્ પિઝા’થી પૉલ થોમસ એન્ડરસન ફરી એ જ પ્રકારના, કૅલિફોર્નિયાના વાર્તાજગતમાં પ્રવેશે છે, પણ આ વખતે વાર્તા ખરા અર્થમાં મીઠી છે, ગંભીર માહોલથી ઘણે દૂર જઈને વિકસી છે. ‘લિકરિસ્’નો અર્થ જ આવો છે – ‘જેઠીમધનો છોડ, જેઠીમધનો શિરો.’ વાર્તા ૧૫ વર્ષના ગૅરી અને ૨૫ વર્ષની એલેના, બંને વચ્ચેના આકર્ષણ-અપાકર્ષણમાં આવતા ઉતારચડાવ અને અસ્પષ્ટ સંબંધોની મુગ્ધરમત આસપાસ ફરે છે. વાર્તામાં નાવિન્ય ઓછું દેખાય છે. પણ પૉલ થોમસ એન્ડરસન જેવા કાબેલ ડિરેક્ટર આવી વાર્તા પર ફિલ્મ બનાવવાનું શા માટે નક્કી કરે, એનો જવાબ શોધતા, ‘યે ઉન દિનોં કી બાત હૈ’ પ્રકારની અંગત સ્મૃતિઓને સિનેમાના જાદુઈ વિશ્વમાં જીવંત કરવાની ઇચ્છા એની પાછળ રહી હશે એવું સમજાય છે. દેખીતું છે કે, જે એ દાયકાના એ વિશ્વથી પરીચિત હશે, એ સીમિત વર્ગને જ આ ફિલ્મ વધારે અપિલ કરશે.

લિકરિસ્ પિઝા: પૉલ થોમસ એન્ડરસન એટલે ‘ધેર વિલ બી બ્લડ’ અને ‘ફેન્ટમ થ્રેડ’થી વધારે જાણીતા થયેલા ડિરેક્ટર. એક તરફ આ બંને સિવાય ‘ધ માસ્ટર’ અને ‘મૅગ્નોલિઆ’ જેવી ફિલ્મો એમની એક અલગ છાપ છોડી જાય છે, તો બીજી તરફ ‘ઇન્હરન્ટ્ વાઇસ’ અને...Read more