“દિપકભાઈ પરમાર "પથ્થર"નું આ પુસ્તક આપ સૌ મિત્રોને ખૂબ ગમશે. સંગ્રહની વાર્તાઓમાં માનવ જીવનના તમામ રંગો અને ભાવોને ખૂબ સુંદર રીતે વર્ણવવામાં આવ્યા છે. સામાન્ય માનવીના જીવનમાં બનતા પ્રસંગો અને તેની પાછળ તેના મનમાં છુપાયેલા કેટલાય વણકહ્યાં ભાવોને આ વાર્તાઓમાં વાચા મળી છે. કિલું એ એમની દીકરી. જેનું નામ તેમણે તેના જન્મ પહેલાં જ નક્કી કરી દીધેલું હતું અને પતિપત્નીના પ્રેમની નિશાની સ્વરૂપ દીકરી કીલુંને એમણે ખૂબ લાડકોડથી ઉછેરી મોટી કરી અને એ દીકરી અચાનક જ એક બીમારીમાં સદાને માટે એમને છોડીને ચાલી ગઈ! એ આઘાત એમનાથી સહન ન થયો. એની યાદમાં એમણે આ પુસ્તકનું નામ કિલું રાખ્યું છે. દીપકભાઈ પરમાર "પથ્થર" હાલ ખૂબ જ બીમાર અને અસ્વસ્થ હાલતમાં છે પરંતુ તેઓનો સાહિત્ય પ્રત્યેનો લગાવ પણ એટલો બધો ઊંડો છે કે આ હાલતમાં પણ તેઓ કંઈક ને કંઈક લખે છે. તેમની દરેક રચનાઓ ખરેખર જ ખૂબ જ સુંદર, આહ્લાદક હોય છે. માણવા લાયક હોય છે. પ્રભુ દીપકભાઈ પરમાર "પથ્થર"ને જલદી તંદુરસ્ત અને નિરોગી બનાવે તથા સમાજને એમની કલમનો ઉમદા લાભ મળતો રહે એ જ પ્રભુ પ્રાર્થના.” - કિરણબેન બી. શર્મા "પ્રકાશ"
