Paakhi - A Cute Love Story!

Jyotindra Mehta 04 July 2022 9.0

પુસ્તકનું નામ : પાખી - અ ક્યૂટ લવ સ્ટોરી લેખક : ઉમંગ ચાવડા કિંમત : ₹ ૧૦૦/-         પાખી ઉમંગભાઈ ચાવડાનું એક ઉત્તમ સર્જન. કથાનો નાયક ભલે રાહુલ હોય પણ આ વાર્તા પાખીની આસપાસ જ ફરે છે. તેના પાત્રનું એટલું સબળ આલેખન થયું છે કે તેની ગેરહાજરી છતાં તે પાને પાને વર્તાય છે. તેનું વ્યક્તિત્વ, તેનું રૂપ, તેની ડ્રેસિંગ સેન્સ, તેની અદા લેખકે આબાદ ઊભી કરી છે. નવલકથાના અંત સુધીમાં વાચક પાખીમય થઈ જાય તે આ નવલકથાનો જાદુ છે.         પાખીનું પાત્ર એકદમ સબળ હોવાં છતાં અન્ય પાત્રો ક્યાંય ઝાંખા નથી પડતાં. રાહુલ, પરી, ગુણવંતરાય, માધુરી હોય કે પછી એડી. દરેક પાત્ર પોતાનો આગવો પ્રભાવ વાચકના મન ઉપર પાથરે છે. દરેક પાત્ર સાથે તરત તાદાત્મ્ય સધાઈ જાય છે્          નામ પ્રમાણે વાર્તા એક લવસ્ટોરી છે, એક નાયક છે અને નાયિકા છે જેમની મુલાકાત કોલેજમાં થાય છે. તેમના મનમાં પ્રેમના અંકુર ફૂટે છે અને વાર્તા આગળ વધે છે. નાયક પોતાની લાગણી તરત પ્રગટ કરતો નથી કારણ નાયક તેની લાગણી પ્રગટ કરવામાં કાચો છે. નાયક રાહુલ ઓછાબોલો છે અને નાયિકા પાખી તેનાથી વિરુદ્ધ દિશાની આખાબોલી અને હેપ્પી ગો લકી પ્રકારની યુવતી છે.        રોઝ ડેના દિવસે રાહુલ એક મોટો ગુલદસ્તો લઈને આવે છે પણ પાખીના હાથમાં ઘણાંબધાં ગુલાબો જોઈને પોતાનો ગુલદસ્તો કચરાપેટીમાં નાખી દે છે. તે જાણતો નથી કે તેની આ કૃતિ પાખીએ જોઈ છે. પ્રપોઝ કરવામાં ઉણા ઉતરેલા રાહુલને પાખી સામેથી પ્રપોઝ કરે છે. રાહુલના મનનો મોર કળા કરવા લાગે છે અને કોલેજમાંથી પાછા ફરતી વખતે બંનેનો ભયંકર એક્સિડન્ટ થાય છે. સાજા થયા પછી રાહુલ તેને શોધવાનો પ્રયત્ન કરે છે પણ પાખીનો કોઈ અતોપતો નથી. ક્યાં ગઈ છે પાખી? શું થયું છે તેને? આત્મહત્યા કરવા ઘરેથી નીકળેલો નાયક શું કરે છે? એવા અગણિત પ્રશ્નો છે પણ એનો જવાબ મેળવવા પાખી વાંચવી રહી.       ક્યારેક પેટ પકડીને હસાવતી, ક્યારેક મલકાવતી, ક્યારેક હ્રદયમાં મીઠું દર્દ જગાવતી અને ક્યારેક રડાવતી આ નવલકથાની પ્રસ્તાવના છ દેવીઓએ લખી છે, તે પણ નવલકથા જેટલી જ રસપ્રદ છે. ફક્ત એક દોઢ કલાકની આ સુંદર સફરની અસરમાંથી બહાર આવવામાં ચાર-છ દિવસ ચોક્કસ લાગશે.         હા, એક વાતની ફરિયાદ ચોક્કસ છે. એક પાત્ર સાથે લેખક જબરદસ્ત અન્યાય કરી બેઠાં છે અને તે પાત્રની લાગણી હું પુસ્તક વાંચ્યાને બે દિવસ થયા છતાં અનુભવી રહ્યો છું. કાશ! એને ન્યાય મળ્યો હોત!        પ્રેમકથાના શોખીનો માટે આ પુસ્તક સુંદર ઉપહાર છે. ( તેઓ પોતાના પ્રેમીપાત્રને ભેટ પણ આપી શકે.)        આ સુંદર નવલકથા માટે ઉમંગભાઈ ચાવડાને ખૂબ ખૂબ અભિનંદન.   પુસ્તક હાર્ડકોપી માં ઉપલબ્ધ છે અને ઓર્ડર કરવા નીચેની લીંક ઉપર ક્લિક કરો.   https://shopizen.page.link/X2VB

પુસ્તકનું નામ : પાખી - અ ક્યૂટ લવ સ્ટોરી લેખક : ઉમંગ ચાવડા કિંમત : ₹ ૧૦૦/-         પાખી ઉમંગભાઈ ચાવડાનું એક ઉત્તમ સર્જન. કથાનો નાયક ભલે રાહુલ હોય પણ આ વાર્તા પાખીની આસપાસ જ ફરે છે. તેના પાત્રનું એટલું સબળ આલેખન થયું છે કે તેની ગેરહાજરી...Read more

Manhar Oza 12 April 2022 7.5

‘પાખી’ સંવેદનાત્મક સફરે લઈ જતી પ્રેમમય કથા. ઉમંગ ચાવડા લેખકની લઘુનવલ ‘પાખી’ વાંચવા માટે હાથમાં લીધી અને બે કલાકમાં તો આખી વાંચી લીધી. હળવી શૈલીમાં લખાયેલી આ લઘુનવલ રસપ્રદ છે. ‘પાખી’ ક્યૂટ લવસ્ટોરી હોવાની સાથે સાથે સંવેદનશીલ સ્ટોરી છે. પાખી, રાહુલ, પરી, માધુરી અને પરીના માતા-પિતાની આસપાસ ગૂંથાયેલી વાર્તામાં પાખીનું પાત્ર અદ્ભુત રીતે ઉપસ્યું છે. પહેલા પુરુષ એકવચનમાં કહેવાયેલી વાર્તાનો કથક પાખીનો પ્રેમી અને પતિ છે. પ્રેમમય આ ફેમિલી આનંદ કિલ્લોલ કરતું હોય છે ત્યાં એક દુખદ ઘટના બને છે. આ ઘટનામાંથી બહાર નીકળીને કેવી રીતે જીવવું તે પાખી શીખવાડે છે. આ નોવલની રસપ્રદ બાબત તેની શૈલી છે. કરૂણ પ્રસંગોને પણ લેખકે હળવી શૈલીમાં આલેખ્યા છે તે લેખકનું જમાપાસું છે. આવા પ્રસંગો વાંચતી વખતે વાચકની એક આંખ હસતી હોય અને બીજી આંખ રડતી હોય છે. કરૂણ પ્રસંગમાં પણ રમુજ કરવી તે ખુબજ મુશ્કેલ બાબત છે. ઉમંગ ચાવડાએ તે સિધ્ધ કરી બતાવ્યું છે. પાખીના પાત્ર દ્વારા લેખકે જીવન જીવવાની એક ફિલોસોફી રજૂ કરી છે. દરેક વ્યક્તિની જિંદગીમાં સારી ખોટી ઘટનાઓ બનતી હોય છે. દરેક વ્યક્તિને તેનું સ્વજન ગુમાવવાનો વારો આવે જ છે. આવા સમયે સ્થિતપ્રજ્ઞ રહીને કેવી રીતે બાકીની જિંદગી જીવવી જોઈએ તે આ નવલકથામાં દર્શાવીને લેખકે જીવન પ્રત્યેનો પોતાનો દૃષ્ટિકોણ રજૂ કર્યો છે. લેખકની આ ફિલોસોફી દરેક વ્યક્તિએ અપનાવવા જેવી છે. ‘પાખી’ના સહૃદયી લેખક પાસેથી આવી સંવેદનાત્મક નવલકથાઓ મળતી રહેશે તેવી અપેક્ષા સહ લેખકને અને શોપિઝન ટીમને ખૂબ ખૂબ અભિનંદન. -મનહર ઓઝા લેખક અને ક્રિએટિવ ડાયરેકટર ‘શોપિઝન’

‘પાખી’ સંવેદનાત્મક સફરે લઈ જતી પ્રેમમય કથા. ઉમંગ ચાવડા લેખકની લઘુનવલ ‘પાખી’ વાંચવા માટે હાથમાં લીધી અને બે કલાકમાં તો આખી વાંચી લીધી. હળવી શૈલીમાં લખાયેલી આ લઘુનવલ રસપ્રદ છે. ‘પાખી’ ક્યૂટ લવસ્ટોરી હોવાની સાથે સાથે સંવેદનશીલ...Read more